Right part:

remel: feʿilātün ‑ feʿilātün ‑ feʿilātün ‑ feʿilün

fāilātün faʿlün

1 Cāme‑i ṣabrı çıqar çāk ėdüben ʿār etegin
Qoma Mecnūn ṣıfat elden er‑iseñ yār etegin

2 Ṣabr qıl cevrine yāruñ ne‑qadar müşkil ise
Ne çekersin çek elinden qoma zinhār etegin

3 Qoymasun dāmen‑i dil‑dāra dilā gerd‑i ḥicāb
Açma rāz‑i ġam‑i ʿışqı qoma inkār etegin

4 Cāme‑i aṭlas u dībāʾı n’ėder dünyāyı
Oldı çāk eyledi ġayret yaqasın ʿār etegin

5 Seydiyā gel bėrü ʿıyş eyleyelüm oldı bahār
Lāleler‑le yine zīn eyledi kuh‑sār etegin

Left part:

remel: feʿilātün ‑ feʿilātün ‑ feʿilātün ‑ feʿilün

fāilātün faʿlün

1 Pend gūş ėtme dilā alma ele ʿār etegin
Qo ne dėrlerse dėsünler duta gör yār etegin

2 Baña her demde gelür derd ü belā miḥnet ü ġam
Müşkil işdür kişi kim duta sitem‑kār etegin

3 Müddeʿī dāmen‑i dil‑dāra ėriş[s]e ne ʿaceb
Qande kim gül açıla dutar anuñ ḫār etegin

4 Ḫˇābda yārı buluban furṣaṭ ile būsesin al
Uyanup ḥışma [!] gelürse qoma inkār etegin

5 Ey Muḥibbī benĭ Ādemde vefā qalmadı çūn
Sen‑de Mecnūn‑ṣıfat dut yüri ṭaġlar etegin